/b/ - Трызненне

>>420
Pryvitańnie. Sam adkul?

>>422
Україна

>>423
Dobra, uvachod adčynieny
Brest, Minsk, Hrodna, Lida, Połack, Navapołack, heta lepš.
Astatniaje pa žadańni

>>423
Tolki nienadoŭha ŭ našu krainu. Albo płaci padatak na bulbu jak zamiežnik

A u was usi tak pyshut'?

>>428
Мала хто.

Па тэме:
https://34travel.me/gotobelarus – лепей за гэтых засранцаў табе ніхто не раскажа.
https://34travel.me/gotobelarus/post/mensk – асобна пра Менск з усімі ніштымі месцейкамі.

>>420
Гэта залежыць ад таго, што хочаш паглядзець.
Цудоўная Беларусь: Гародня, Пінск.
Добрая Беларусь: Ліда, Маладэчна, Баранавічы.
Беларусь калгасная з прэтэнзіяй на сталічнасць, вылізаная, бо адносна багатая і працуе як вітрына для замежнікаў: Менск.
Сапраўдная Беларусь: гарады і вёскі вакол Менску аб адной гадзіне на цягніку/машыне.
Дрэнная Беларусь: што заўгодна на ўсходзе краіны. Мой фаварыт у гэтай намінацыі: Бялынічы
Польская Беларусь: Воранава.
Беларуская Польшча: Беласток.

>>442
>Добрая Беларусь: Баранавічы.
Цікавае меркаванне. З усёй павагай да жыхароў, у мяне склалася досыць сумнае ўражанне пра Баранавічы. Быў там неяк у камандзіроўцы на тыдзень узімку: усё ў лужынах, гістарычных будынкаў няма (а адкуль ім быць у рабочым пасёлку, якому ледзь-ледзь набярэцца сотня гадоў), большая частка горада ўяўляе сабой пануры прыватны сектар без разынкі, ёсць некалькі кварталаў тыпавых савецкіх паралелепіпедаў, у цэнтры стандартны набор з адміністрацыйных будынкаў эпохі застою.
Я нешта прапусціў, ці гэта і ёсць добрыя Баранкі?

Ды і Маладэчна для турыста не асабліва прыцягальны горад, хаця мне асабіста падабаецца, гэткі маленькі ціхі Менск для жыцця.

>>420
Залежыць ад таго, што ты хочаш пабачыць. Калі мэта выключна "наведаць Беларусь", то едзь у Менск і/ці Гродна/Пінск/Брэст. Калі адказваць разгорнута, то паглядзець у Беларусі можна:
1) Менск: т.зв. "горад Сонца" — кварталы сталінскай эпохі ад вакзала да Рэзідэнцыі перасідэнта, дзеля якіх калісь знеслі цэлыя кварталы дарэвалюцыйнай забудовы. "Вежы Менска" насупраць вакзала — візітная картка гэтага "горада Сонца". Аддалена нагадвае Хрышчацік.
Ад гістарычнай забудовы (XIX ст.) захавалася Траецкае прадмесце, крыху будынкаў у Верхнім горадзе (за жудасным саркафагам на плошчы Каліноўскага Кастрычніцкай) і яшчэ менш — у Ракаўскім прадмесці (за гандлёвым домам "На Нямізе"). Кварталы на Нямізе (тыповая забудова, па якую сёння менчукі едуць у Вільню), што злучалі ўсё вышэйпералічанае, знеслі бальшавікі ў эпоху застою, нягледзячы на пратэсты Пазняка і ко. (хацелі знесці больш, але Пазняк неяк здолеў пераканаць начальства ў Маскве, што не варта гэта рабіць).
Ёсць атмасферны раён Асмалоўка, пабудаваны ў сярэдзіне XX ст., мне падабаецца гуляць па Камуністычнай, але раён хутчэй для "унутранага спажывання", чым для турыстаў.
Астатняе ад Кіева прынцыпова не адрозніваецца.

2) Кварталамі канструктывісцкай архітэктуры (20-30-я гады XX ст.) вядомы Гомель, добры гайд тут: https://ru-sovarch.livejournal.com/766253.html
Там жа палац Румянцавых-Пашкевічаў, гуглі, ці цікава табе такое.
У Брэсце будынкі той жа эпохі, але пад іншым (польскім) ракурсам. У цэлым даволі цікава прагуляцца па вуліцы Савецкай (у Беларусі паўсюль захаваліся бясконцыя савецкія-камуністычныя-леніна, толькі ў Маладэчне іх паспелі прыбраць да Лукашэнкі). Бонусам археалагічны музей "Бярэсце" — адкапаныя хаткі XI-XIII стст., і Брэсцкая крэпасць (асцярожна, павышаная канцэнтрацыя каларадскіх стужак і іх носьбітаў, асабліва ў траўні).
3) Барочная архітэктура і ў цэлым гістарычная забудова: тут у лідарах Пінск і Гродна, без варыянтаў, таксама цікавы Нясвіж (пра яго ніжэй). Некаторым яшчэ заходзіць Віцебск, бонусам можна наведаць Полацк (ці наадварот, бонусам да Полацка можна заехаць у Віцебск).
4) Калі падабаюцца замкі, то відавочна варта наведаць Мір і Ліду. Праўда, акрамя замкаў там анічога асабліва цікавага няма.

5) Местачковая аўтэнтыка: адназначна Іўе горад татарскіх парнікоў. Там захавалася атмасфера беларускага мястэчка: мураваны цэнтр-рынак з сінагогай (цяпер спартовая заля), царквой, касцёлам і мячэтам і бясконцыя кварталы прыватнага сектару з аграмаднымі парнікамі. Хаця для замежніка будзе панура, гэта больш для ўнутранага турыста.
6) Беларусь магнацкая: Нясвіж і палац у ім. Пэўна, самая вядомая турыстычная славутасць.
7) Нарэшце, самае цікавае: Беларусь вясковая і прыродная. Усе рэальныя цікавосткі схаваныя падалей ад турыстаў і рассеяныя па закуточках: царква ў Мураванцы, балота Ельня, барочныя і неагатычныя касцёлы ў дробных гарадах і мястэчках (безліч, мне падабаюцца, напрыклад, барочны ў Будславе, некалькі барочных у Мсціславе, і неагатычныя ў Паставах і Гервятах), Альманскія балоты, проста прыгожыя прыродныя краявіды. Без аўто іх не агледзець, праўда.

Для далейшых пошукаў цікавага:
https://34travel.me/gotobelarus/post/34-dostoprimechatelnosti-belarusi
https://34travel.me/gotobelarus/rubric/routes/page/4
https://sp.onliner.by/belarus/
https://vetliva.by/tourism/what-to-see/

>>478
>2піч
Падобна царква была калісьці ў Луцку

>>481
Ага, абарончы стыль ВКЛ.
https://be.wikipedia.org/wiki/Абарончы_храм