/t/ - Тэхналогіі

>>54
ХВ, мяне наадварот дастала ўпэўненасць кожнага калгасніка, што ва ўсіх ёсць вайбер. Вось дзе сапраўдны рассаднік спамераў і скамераў, па тэлефоне мне менш непатрэбнай інфармацыі прыходзіць. Трэба нешта ад мяне — тэлефануй.

>Тэлефанію ўжо не варта і ратаваць
Ратаваць ад чаго? Табе не трэба — не карыстайся. Асабіста мне прасцей патэлефанаваць і за хвіліну-другую вырашыць пытанне, чым у мэсэнджэрах чакаць, пакуль мае паведамленне знойдуць сярод кучы чацікаў, рассылак і падпісак, пакуль па літарцы набяруць адказ на адно з трох пытанняў і ў выніку ўсё адно прыйдзецца тэлефанаваць. Вось канкрэтны кейс: паспрабуй пару тон будматэрыялаў купіць з дастаўкай па РБ без тэлефона. Ці знайсці рэстаранчык/саўну/базу адпачынку для невялічкай кампаніі на выхадныя.

І электронную пошту таксама рана ва ўтыль спісваць. Калі яе выкарыстоўваць не для балакання ў духу
- прыв)))
- )))
- ягдзялы
- норм
- стыкер
- смайл
, а па справе, то куды зручней, чым праз вайберы-вацапы-тэлеграмы.

>>55
> дастала ўпэўненасць кожнага калгасніка, што ва ўсіх ёсць вайбер
Ну, вайбер дэ-факта стандарт у Беларусі, і гэты статус-кво нават падзеі 2020 не змянілі. Добра хаця б, што пра вацап ужо не чуваць.
А ўвогуле лепш бы гэтыя мэсанджары працавалі як пошта ці XMPP, дэцэнтралізавана, каб можна было з аднаго ў другі паведамленні дасылаць

> паспрабуй пару тон будматэрыялаў купіць з дастаўкай па РБ без тэлефона.
Тонамі будматэрыялы прадаюць не на Куфары, а хаця б ІП, і з імі часцей за ўсё можна скантачыцца і ў віберы, і поштай. Рэстараны і базы адпачынку не падкажу, бо дзікуном на шашлындос на возера езджу і ўсім раю, а лазня ёсць гарадская, і туды можна проста прыехаць.

> І электронную пошту таксама рана ва ўтыль спісваць. Калі яе выкарыстоўваць не для балакання ў духу […], а па справе, то куды зручней, чым праз вайберы-вацапы-тэлеграмы.
Тут згодны, для фармальнай перапіскі ёю можна карыстацца, ды і эпісталярны жанр мне асабіста падабаецца больш, чым аднаслоўныя паведамленні ў мэсанджарах, але калі я некалькі гадоў таму ў рамках інфармацыйнага адпачынку паспрабаваў перакаціцца з «нармальных» сродкаў сувязі ў пошту, мяне пачалі называць рэтраградам і лудытам. Ды і ў большасці маіх знаёмцаў, наколькі я ведаю, паштовая ўлікоўка патрэбная толькі для аднаўлення пароляў на ўсякіх сайтах, і выглядае як сметнік.
То бок я не кажу, што яна непрыдатная ці састарэлая сама па сабе, але ёю, як ні парадаксальна, ніхто амаль ужо не карыстаецца. Мяркую, гэта не без жывільнай хвалі спаму ў нулявых адбылося.

>>55
>Табе не трэба — не карыстайся.
Дык во ж не трэба, але і трэба адначасова, бо я раб прапрытарных памыек і мне трэба падцвярджаць сваю асобу сімкай, то бок пашпартам.

>>58
1. Пампуеш ТОР.
2. Рэгіструеш праз ТОР які ПратонМэйл.
3. На ПМ рэгіструеш які-небудзь textnow ці аналаг. Атрымліваеш бясплатны амерыканскі нумар на месяц, на які можна тое-сёе зарэгістраваць. Канкрэтна на гэты сервіс, праўда, не вельмі добра прыходзяць смскі, Тэлеграм зарэгістраваць складана, напрыклад, з бубнам прыходзіцца вытанцоўваць.
Вуаля, ты ананімны няўлоўны Джо.

Можна ўскладніць схему для большай надзейнасці. Напрыклад, заплаціць за віртуальны нумар. Каб плаціць ананімна карткай, можна купіць у даркнэце не зусім законныя дакументы і адкрыць на іх картку ў "шэрай" канторы кшталту advcash. Папаўняць крыптавалютамі (або зарабляць на гэтую картку фрылансам).
З іншага боку, можна падгаварыць якіх-небудзь забулдыг за некалькі паўлітр за цябе зарэгістраваць сімку. Лайф увогуле праз праграмку можна на месцы зарэгіць.

>>57
>Добра хаця б, што пра вацап ужо не чуваць.
Хм. Чаму не чуваць і чым яно добра? Вацапам я штодня карыстаюся для перапіскі з сям'ёй (бацька мой, напрыклад, толькі там ёсць), вайберам зусім не карыстаюся. У Вацап спам не прыходзіць, у Вайберы мне адразу пачынае сыпацца.

>з імі часцей за ўсё можна скантачыцца і ў віберы, і поштай
Наіўны. Яны і на тэлефон не спяшаюцца адказваць, а пошты шмат у каго з іх увогуле няма.
Па тэлефоне ты літаральна за 30 хвілін можаш абзваніць дзясятак кантрагентаў і прыкладна зразумець, што адбываецца на рынку: наколькі забітыя базы адпачынку ці пачым прадаюць блокі і піламатэрыялы, ад якіх аб'ёмаў магчымыя зніжкі, колькі тыдняў будуць везці і г.д. Па пошце добра калі за дзень змястоўна (г.зн. не "званіце-дагаварымся") адкажуць 1-2 з 10. Што б не казалі, пакуль самы хуткі спосаб дыялогу — гэта голасам па тэлефоне.

>мяне пачалі называць рэтраградам і лудытам
Не, ну ва ўсяго сваё прызначэнне. "Прывякдзялы-паглядзімаюновуюсукенку-звадзімянеўкафэ/здароў, пайшлі ў лазню на выхадных/зацані, што на экстрэмісцкім канале пішуць/суседзі, хто свідруе ў 3 гадзіны ночы?!!!" — тут Тэлеграм ці іншы мэсэнджар па-за канкурэнцыяй. Іншая справа, што некаторым дай волю, дык заваляць гэтымі "прывякдзялы". Некаторым прыходзіцца прама казаць: нешта важнае — звані і пры неабходнасці пасля скінеш фота ці файл, няважнае — пасля раскажаш, калі не забудзеш.
Не разумею, навошта некаторыя ў 100 чацікаў уступаюць і на столькі ж каналаў падпісваюцца.

>>59
Пра такое ведаю, але ж я не крыптаанархіст, а проста аб зручнасці і камхворце руплюся.

>>60
>Вацапам я штодня карыстаюся
Ну, тады гэта нейкае супадзенне. Мяне сям’я толькі во ў вайбер поцягам цягне, а аб вацапе забыліся. А што за спам у вайберы? Я толькі банеры ў спісе паведамленняў бачыў.

А што да экстрэміскціх і суседскіх чацікаў, дык толькі тэлеграм і варты для гэтага, згодны. Ну, калі не ўлічваць, што ёсць усякія джаберы-токсы-матрыксы, дзе не патрэбен ніякі тэлефон.

>>61
>Мяне сям’я толькі во ў вайбер поцягам цягне
Ну ў мяне сям'я крыху параскіданая па шарыку, а па-за межамі СНД Вайбер амаль ніхто не ведае.

>А што за спам у вайберы?
Рассылкі ад розных інтэрнэт-крам, банкаў, проста скамеры тэлефануюць пад выглядам Беларусбанка. Неяк трэ было скінуць адзін дакуменцік выключна на Вайбер, дык за паўдня мне насыпалася рознага. Выдаліўся і не шкадую.