[ bc ] [ b / int ] [ pol / a / bo / dt / mu / t / vg / wp ] [ g ] [ апошнія паведамленні ]

/vg/ - Гульні

Імя
Электронная пошта
Тэма
Допіс
Файл
Убудаваць
Пароль (Для выдалення файлаў)

File: 1613252103159-0.png (1,27 MB, 1920x1080, .png)

File: 1613252103159-1.png (3,32 MB, 1920x1080, .png)

 No.28

Даўно ўжо пакутую на гэты аўтызм, а тут падумаў, што някепска было б ажывіць тэматыку любімага белчыку.

У мяне тут шмат модаў, апісваць усе адразу няма сэнсу, буду па ходзе. Ну і, нелагічным шляхам, спярша выбіраем, дзе дэсантуемся (здавалася, лагічней было б выбраць, хто дэсантуецца). Свет атрымаўся міленькі, распаўсюд фракцый мне таксама падабаецца – на поўначы ў нас супрацьстаянне цывільнага і жорсткага саюзаў іншаземцаў, а ніжэй раскіданы розныя каралеўствы, захраслыя на сярэднявечным узроўні развіцця, і неалітныя плямёны. Ну і жменя піратаў у наяўнасці. Колер сігналізуе іхнае да нас стаўленне: як бачым, ворагаў, на жаль, у нас значна больш, чым сяброў памяркоўных, з якіх – вышэйзгаданы цывільны саюз пад назвай Веберон (нейтральна +9), каралеўства дынастыі Таен (нейтральна-нуль) і прыязнае племя Готра (нейтральна +37).

Дэсантуемся, вядома, як і падабае беларусам – на поўнач ад земляў дынастыі Гіба, у балоцістых землях Інуім, на шырокай рэчцы з невялічкімі ўзгоркамі. Падбірацца да нас будзе складаней, а сам балотны біём часта радуе ўрадлівай зямліцай і разнастайнасцю жывёла-расліннага свету. Добры выбар, карацей кажучы.

 No.29

File: 1613252943868.png (681,57 KB, 1920x1080, 3.png)

Нарэшце, выбіраем сам дэсант.

Лявон Белчан, 30 год. Дзяцінства правёў у вёсцы з бабуляй, а пасля быў увесь час самотнікам. Добра разбіраецца ў раслінах, сябруе з жывёлінай, туды-сюды ўмее страляць, тое-сёе з кніжак нахапаўся па агульнай эрудыцыі, можа забінтаваць парэз і вылячыць атручэнне. Не здольны стасавацца з людзьмі, бо хікікаморы. Алкаголік. Як і мае быць сапраўднаму беларусу, Лявон цярплівы, працавіты і песімістычны. Думаю, гэта добры выбар, каб выжыць аднаму сярод балотаў. Звычайна ў рымворлдзе на старце выдаюць траіх, але я вырашыў дадаць крыху складанасці. Дарэчы, аб складанасці – у нас стаіць Strive to survive у спалучэнні з пані Phoebe ChillaxТадорай Расслабоньскай. Захоўвацца-заладоўвацца можна.

 No.31

File: 1613253311325.png (653,24 KB, 1920x1080, 4.png)

У нас быў невялічкі дысбаланс па ачках, так што памяняем выдачу ад стандартнай "rich explorer" (так, Лявон rich, бо зарабляе 300к/сек у айці). За кошт 5 высокатэхналагічных медычных набораў змаглі набраць яшчэ лішніх сухпаёў і абавязкова піўка, бо які Лявон без піўка. З намі верны сабака, назавем яго пазней Кундзель. Ну і дзедава стрэльба, з якой ён яшчэ ў ’43 немцаў страляў, пакуль у партызанах быў. Не прападзем.

 No.32

File: 1613254021566-0.png (1,86 MB, 1920x1080, .png)

File: 1613254021566-1.png (1,68 MB, 1920x1080, .png)

File: 1613254021566-2.png (3,03 MB, 1920x1080, .png)

На жаль, толькі што праёб скрыншота, дзе было вітальнае акенца – там пра тое, як Лявон заканаўся ад віарных гулень, стрып-бараў і ўсякага такога гаўна, а таму і паляцеў насупраць незнаёмаму вярнуўся на роднае Палессе па слядах Андруся Горвата.

Мясціны някепскія. Усё спрэс паросла клёнам ды вярбой, шмат добрых узгоркаў, у якіх можна будзе вырыць утульную бярлогу. Як і чакалася, урадлівай зямлі шмат. Час ад часу трапляюцца грыбы з Маравінду і нават статачак нетчаў мірна пасецца ля рэчкі. Гэта я забыўся адключыць мод MorrowRim. Спішам на настальгічныя галюны Лявона ад перавышэння канцэнтрацыі піва ў крыві.

 No.33

File: 1613254415394.png (2,79 MB, 1920x1080, 7.png)

Часу не марнуючы, плануем прыбудоўлю да бліжэйшага ўзгорачка невялічкай пачатковай хацінкай. У самім узгорачку выкапаем нешта кшталту склепу, каб там захоўваць усё сваё майно, якое на адкрытым паветры хутка псуецца. Не забываем узброіцца – побач ходзіць нікс-ганчак, у любы час можа напасці на самога Лявона ці на Кундзеля. Kids, don't do drugs!

Гэта, хутчэй за ўсё, зацягнецца, бо будаўнічы з Лявона амаль ніякі, а шахтар дык і горшы. Так што не сумуйце і заставайцеся тунцамі.

 No.34

File: 1613254868597-0.png (2,83 MB, 1920x1080, .png)

File: 1613254868597-1.png (3,1 MB, 1920x1080, .png)

Хацінку Лявон усё ж выбудаваў, і з зайздроснай хуткасцю, у працэсе выбраўшы кусток журавін, які рос на месцы запланаванай сцяны. А во капаць скляпенні яму хутка надакучыла, і ён пайшоў глядзець на аблокі, шукаючы ў іх абрысы сваёй той самай Лявоніхі, па якой ён цішком сумуе. Побач снуюць ужо два нікс-ганчакі і мілы пацучок, які разбаўляе напружанасць сітуацыі. Кундзель проста валэндаецца – трэба будзе навучыць яго цёгаць рэчы.

 No.35

File: 1613255177643.png (2,31 MB, 1920x1080, 10.png)

Пад вечар Лявон усё ж больш ці менш раскапаў скляпенні, засталося толькі крыху. Але ж і стаміўся – тым больш, за цэлы дзень не крануў піўка, таму і пайшоў хутчэй спаць. Зрання трэба будзе вынесці каменне на двор, а потым паперацёгваць у склеп усё, што ў нас з сабой ёсць. Нікс-ганчакі тым часам паспелі зжэрці нейкага дробнага жучка, які скокаў непадалёк. Будзем спадзявацца, што харчу ім хопіць надоўга, і яны не захочуць у хуткім часе пачаставацца кімсьці з нашых герояў.

 No.36

Цікава, Лявон, працягвай!

 No.37

File: 1613256012400.png (1,39 MB, 1920x1080, 11.png)

Шаноўныя, я вас падмануў, прабачце. Інвестыгацыя высветліла, што маленькі жучок, як аказалася – скрыб, на самай справе не пацярпеў ад дзеянняў галодных нікс-ганчакоў, а прысмактаўся да адной з бутэлек Лявонавага піўка. Лявон п’е толькі "Крыніцу Моцнае", што паўплывала на дзіцячы арганізм не лепшым чынам. Спадзяюся, ён ачуняе.

 No.38

File: 1613256602568-0.png (2,79 MB, 1920x1080, .png)

File: 1613256602569-1.png (3,32 MB, 1920x1080, .png)

Лявон прачнуўся, паснедаў, памыўся і даў добрага прасёру (стаіць мод на гігіену і патрэбы-ніжэй-поясу), а потым пайшоў далей капаць. Фаўна працягвае радаваць – да нас прыляцеў скальны лятун і закляваў зайчыка. Здаецца, калі пойдзем уверх па рацэ, дык дойдзем да Балморы і адрапартуем Каю Касадасу.

 No.39

File: 1613256741942.png (2,29 MB, 1920x1080, 14.png)

Нарэшце скляпенні дакапаныя. Час збіраць камяні. Кундзель назірае. А мог бы таксама цёгаць!

 No.40

File: 1613257143001-0.png (2,55 MB, 1920x1080, .png)

File: 1613257143001-1.png (2,97 MB, 1920x1080, .png)

Сціплае майно сцягнутае пад наспех накіданы дах і цяпер не папсуецца. Сталь і срэбра хай пакуль ляжаць, ім нічога не будзе. Першая галоўная задача выкананая з ашаламляльным поспехам.

Наступны напалявонаўскі план – высекчы кіпарысавы лес на поўдзень ад хацінкі. Так, па-першае, вызвалім месца на наступныя гаспадарчыя пабудовы, а, па-другое – займеем драўніну на тое, каб было з чаго іх, уласна, будаваць. Для пачатку спатрэбіцца кухня-сталоўка, бо сухпаі, на жаль, не бясконцыя.

 No.41

File: 1613257594304.png (2,24 MB, 1920x1080, 17.png)

Карціна маслам: Лявон медытуе, абгортвае ўсе незайздросныя абставіны ў заспакаяльную думку "можа, так і трэба". Кундзель, пакуль гаспадар не бачыць, жарэ сухпаі. Бутэлек "Крыніцы Моцнай" было шэсць, дзве вылізаў скрыб-камікадзэ, а да адной ужо нарэшце прыклаўся і Лявон. Паўстае яшчэ адна напалявонаўская неабходнасць – вырасціць хмель, каб наварыць піўка на зіму, бо на трох бутэльках Лявон хутка сканае ад абяспіўлення. Ну, не сканае, на самай справе, але адхадняк – тэма непрыемная і прыкуе яго да ложку сама менш на тыдзень.

Лес пасечаны прыблізна напалову – як бачым, лянівая срака Кундзеля уладкавалася на свежым бярвенні.

 No.42

File: 1613258675047-0.png (2 MB, 1920x1080, .png)

File: 1613258675047-1.png (2,85 MB, 1920x1080, .png)

File: 1613258675047-2.png (2,04 MB, 1920x1080, .png)

З лесам разабраліся, будуем кухню-сталоўку. Гульня падбадзёрвае нас заклікамі знайсці ежы і падрыхтавацца бараніць сраку ад набегаў добразычлівых суседзяў. У працэсе будоўлі да нас завітала Франкі Шэпард, гандлярка з вышэйпамянёнага сяброўскага каралеўства Таен. Яна прапануе рэчы на продаж, але Лявон ані ў жысць не загаворыць з жывой жанчынай, тым больш ён заняты будоўляй. Так што Франкі давядзецца змокнуць пад дажджом, а потым пайсці на тры халеры шукаць лепшай долі.

 No.43

File: 1613259134637.png (2,32 MB, 1920x1080, 21.png)

Па з’яўленні жанчыны на гарызонце Лявон застрэсаваў, закінуўся перадапошняй бутэлькай піва і пайшоў у люлю, пакінуўшы сваю будучую сталоўку крыху недабудаванай. Франкі давіць на жаль, але, відаць, нявартая таго, каб наш герой парушыў сваю самотнасць, а да таго ж і дастаткова сімпатышная, каб наш герой увогуле мог парушыць сваю самотнасць – іх падзяляе высачэзная сцяна ягонай трывожнасці. Дождж мацнее.

 No.44

File: 1613259746943.png (2,14 MB, 1920x1080, 22.png)

Не знайшоўшы ў замкнёнай асобе Лявона ані пакупніка, ані кавалера, ані ўвогуле чалавека, які суе з хаты нос на двара, Франкі з уздыхам пацёпвае плячыма і сыходзіць. Гэтая Лявонава асаблівасць яшчэ згуляе з ім злы жарт – бо гандаль усё ж часта становіцца адзіным паратункам ад немінучае бясслаўнае пагібелі. Калі толькі да яго не далучыцца які-небудзь валацуга, які прыме яго такім, які ён ёсць… (і будзе здольны выступаць амбасадарам супольнасці, бо не будзе такім жа хіканом…)

На гэтай сентыментальнай ноце я – пакуль што – з вамі развітаюся, бо Топа з Янай даўно ўжо параілі мне закрываць вачаняты, а я ўсё нешта лухтой маюся, а не храпчу на ўсё горла як мае нармальнаму чалавеку. Дзякую шаноўнаму Лявону >>36 за праяўленую зацікаўленасць, працягваць буду абавязкова.

 No.45

Шыкоўна, працягвай стужку, будзем сачыць за нашым цёзкам

 No.46

Прабачце, шаноўныя, сёння напоўніцу касплэіў норміса, тым больш што такі дзень!!1 Заўтра, як дам прачуханца, працягну.

 No.47

А ты ў Крэпасць Дворфаў не гуляешся?

 No.48

>>47
Гуляюся час ад часу, але там трэба яшчэ большы ад майго ўзровень аўтызму мець. Мая галоўная праблема – гэта тое, што я не ўяўляю там узровень пагроз і позна разумею, калі ўжо поўнасцю праябаўся.

 No.49

File: 1613403590559.png (2,87 MB, 1920x1080, 23.png)

PREVIOUSLY ON ADVENTURES OF LAVON IN MORROWIND RIMWORLD:

- збудавалі хатку і пачатковае сховішча
- амаль збудавалі сталоўку
- спаілі маленькага скрыба
- маўкліва далі гарбуза гандлярцы

Выклікі часу:
- нястача ежы
- нястача піва
- лянівая срака Кундзеля
- агрэсары з усходу

Заўважылі, як я выкрасліў «амаль» у пункце пра сталоўку? Так, наш працавіты Лявон нарэшце яе дакончыў. Самы час нацясаць туды ўсякае мэблі. А за адным махам падумаць цяпер і пра тое, што ў гэтай сталоўцы жэрці. Напэўна, лепш за ўсё недзе будзе высадзіць тры рады бульбачкі.

 No.51

File: 1613406565170-0.png (2,11 MB, 1920x1080, 25.png)

File: 1613406565170-1.png (2 MB, 1920x1080, 24.png)

File: 1613406565170-2.png (2,66 MB, 1920x1080, 26.png)

Кухня больш ці менш гатовая, трэба толькі павыцёгаць з яе рэшткі бярвення. Мы яе крыху падсвятлілі паходнямі, выставілі добры такі стол і зэдлік, а таксама наладзілі пліту са сталі і вяндлярню побач з ёю – апошняя добра нам дапаможа, каб вэндзіць мяса і не даваць яму псавацца, пакуль Лявон яшчэ не асвоіўся з будаваннем і не можа зладзіць сабе ўсякія гарадскія хітрыкі кшталту халадзільніка. На яе, праўда, трэба будзе вугаль.
Яшчэ мы крыху абставілі мэбляй хацінку Лявона, каб яна стала больш прыемнай.

І, пакуль усё гэта было ў працэсе, з’явілася першая рэальная пагроза. Фуражыр квама адчуў, відаць, павіслую ў паветры небяспеку (напэўна, ап’янелы скрыб таму паспрыяў?) – і вырашыў запаляваць усякія варожыя істоты, кшталту бялявых хлапцоў з крызісам сярэдняга ўзросту і іх лабрадораў. Стрэльбу да бою!

 No.52

File: 1613407203117-0.png (3,1 MB, 1920x1080, .png)

File: 1613407203117-1.png (2,89 MB, 1920x1080, .png)

Бой з фуражырам паказаў, што стралец з Лявона такі сабе. Спісаць, канешне, можна і на тое, што фуражыр даволі маленькі. І, на шчасце, даволі павольны – Лявон нават паспеў перамяніць пазіцыю вядзення агню. З прыблізна дзясятку выпушчаных куляў адна паклала агрэсара-кваму адпачываць. Намякае на тое, што трэба будзе абнесці Лявонаву гаспадарку частаколам з амбразурамі.

 No.53

File: 1613407421938-0.png (1,65 MB, 1920x1080, .png)

Прывілей пераможцы: можна пусціць пераможаных на мяса. Добра будзе крыху разбавіць сухпаёвы рацыён свежай квамяцінай. Хаця, ўяўляю, фуражыры на смак што гумовыя боты.

 No.54

File: 1613407784364-0.png (1,65 MB, 1920x1080, .png)

File: 1613407784364-1.png (1,34 MB, 1920x1080, .png)

Адсвяткаваўшы перамогу дадаткова і півам, Лявон заправіў, да майго здзіўлення, вяндлярню дровамі (а я ўжо шукаў, дзе рабіць вугаль і запланаваў, як бачыце, на двары вогнішча) і пачаў вэндзіць фуражыра. З яго яшчэ выпала крыху хіціну – зробім мо’ які бронік у данмерскім стылі пасля.

 No.55

File: 1613408323158-0.png (2,77 MB, 1920x1080, .png)

Амаль гатовая яшчэ адна гаспадарчая пабудова – там, хутчэй за ўсё, размесцім новае, цяпер ужо паўнавартаснае сховішча, і кузню-майстэрню. Таксама запланавана грандыёзная Паўднёвая Сцяна, якая абароніць нас. Напэўна.

 No.56

File: 1613408637167-0.png (2,05 MB, 1920x1080, .png)

File: 1613408637167-1.png (1,67 MB, 1920x1080, .png)

Нешта ўсё ж люднае мы выбралі Палессе – хацінку Лявона мінае яшчэ адна дзяўчына, Хвядося Шаў з Веберону, узброеная рэвальверам. Яна, праўда, маладая і пужлівая, таму нават не рызыкуе падыходзіць. Тым лепей для Лявона.

А яшчэ гульня намякае, што самы час саджаць бульбу – надыйшло лета, і зіма ўсё бліжэй. Таму раніцай будзем шукаць, дзе рабіць градкі.

 No.57

File: 1613408959731-0.png (2,93 MB, 1920x1080, .png)

А яшчэ да нас падабраўся мядзведзь. Мядзведзі ў гэтай гульні больш ці менш прыязныя і не кідаюцца адразу на людзей, як сапраўдныя, але небяспечныя тым, што РАПТАМ могуць захацець паесці чалавечыны. Будзем сцерагчыся.

 No.58

File: 1613409442454-0.png (2,57 MB, 1920x1080, .png)

Пані Тадора Расслабоньская, мяркуючы па апошніх падзеях, хутка пераходзіць з фазы "дэрэ" у фазу "цун". Неяк праведаўшы пра хацінку Лявона, да нас прыйшла Шэрая Фазанка з племені "Кавенант Бокайя" – яно далёка ад нас на поўдзень, так што, відаць, Фазанка ў доўгім небяспечным падарожжы і шукае харчоў. Яна ўзяла з сабой дубіну і яўна не ў сяброўскім настроі. Стрэльбу да бою! [2]

 No.59

File: 1613409704585-0.png (2,9 MB, 1920x1080, .png)

File: 1613409704585-1.png (1,68 MB, 1920x1080, .png)

Па людзях Лявон усё ж страляе значна лепей. Ён толькі першыя тры стрэлы пусціўшы, а ў дзяўчыны ўжо начыста прастрэлена левае лёгкае і ёсць трапенне ў нагу. Бой хутка скончыцца.

 No.61

File: 1613410031819-0.png (2,31 MB, 1920x1080, .png)

File: 1613410031819-1.png (2,48 MB, 1920x1080, .png)

Нават брывом не павёўшы, Лявон адпраўляе Шэрую Фазанку да Абрама Дагот Ура на піва. У палон нікога не бярэм.

З сабой яна мела толькі крыху жаду, што пацвярджае маё меркаванне пра яе доўгае і галоднае падарожжа. Шкада, што яно скончылася так, але гэта заканамернае заканчэнне жыцця для той, хто вырашыла агрэсаваць на Лявона "Удалога Стральца" Белчана.

 No.62

File: 1613410293541-0.png (2,3 MB, 1920x1080, .png)

Лявон пахаваў Шэрую Фазанку на тым жа месцы, дзе яна пала бясслаўнай смерцю галоднай марадзёркі. Дабранач, салодкая прынцэса.

 No.63

File: 1613410626529-0.png (2,3 MB, 1920x1080, .png)

Напэўна, гэта ўсё рака. Ужо тры чалавекі менш чым за тыдзень. Для Лявона гэта вялікі стрэс, ён усё ж сюды за самотніцтвам прыляцеў.

Гернан Бэк рабаўладальнік, але рабоў з ім я не бачу, толькі ягоную пепельную пантэру. Паспрабуе, напэўна, яе ўцюхаць. Такая б, канешне, прыдалася ў гаспадарцы, бо ў бойцы яна больш жвавая і кіпцюрастая ад лабрадора, але ж Лявон, як трушны хікан, будзе ігнараваць гідкага таргаша з імавернасцю 100%.

 No.64

File: 1613410816793-0.png (2,78 MB, 1920x1080, .png)

І тут з поўначы падыйшоў натоўп-караван Бэка – ахоўнікі і тавар. Балбочуць між сабой, топчуць цнатлівую балоцістую зямельку, кідаюць кпіны і смяшкі ў бок ціхага Лявона. Лявон стаічна будуе Паўднёвую Сцяну і спрабуе не зважаць на гэтую прагнілую грамаду.

 No.65

File: 1613411176099-0.png (1,72 MB, 1920x1080, .png)

File: 1613411176099-1.png (1,65 MB, 1920x1080, .png)

Навіны добрыя: Лявон раскачаў навык "Будоўля" да чацвёртага ўзроўню. Распрацаваныя нейроны раптам адкрылі яму ўспамін пра тое, як ён з дзедам ладзіў электрагенератар-печку з падручных матэрыялаў. Цяпер ён і сам можа такое забэцаць.

Навіны дрэнныя: апошняя бутэлька Крыніцы была выдутая яшчэ два дні таму. Лявон павольна вар’яцее ад сумавання па даўкім і калючым смаку піва, яго бурбалачках, пеністых пералівах, па яго залацістым ззянні…

 No.66


 No.67

File: 1613411647799-0.png (1,75 MB, 1920x1080, .png)

Перажыўшы дзве перастрэлкі, Лявон не вытрываў абяспіўлення і балбатуноў, а таму кінуў усе справы і пачаў валэндацца ў прыступе суму і роспачы. Будзем спадзявацца, гэта пройдзе без суіцыдальных наступстваў.

 No.68

File: 1613411753820-0.png (1,14 MB, 1920x1080, .png)

Ат, накаркаў.
Лявон ад суму вырашыў пажаваць журавіны і атруціўся імі, прычым даволі жорстка – скруціла так, што не можа падняцца. Адзіны, хто б мог яго ўратаваць – Кундзель, але той дурны як сабака… а, чакайце, дакладна.

Гэта найцямнейшая хвіліна ў нашай гісторыі. Маліцеся за Лявона, каб ён ачуняў.

 No.69

File: 1613412071441-0.png (1,28 MB, 1920x1080, .png)

Я, на жаль, не паспеў заскрыніць, але вы па лічбах можаце ўбачыць, што зрабіў Кундзель. Гэтая срака з вушамі проста з’ела адзін з сухпаёў, якія Лявон, падаючы на падлогу, не ўтрымаў. Выклік часу "лянівая срака Кундзеля" раптоўна з "шэрай клячы" стаў самым вострым і актуальным. А Лявон тым часам мае рызыку памерці з галадухі, калі не адпусціць.

 No.70

File: 1613412186231-0.png (1,53 MB, 1920x1080, .png)

А яшчэ скальны лятун у часе, пакуль Лявон кліча на дапамогу, якая не прыйдзе, закляваў Піяніста з Веберону, які быў з караванам Бэка. І, вы такі будзеце смяяцца – стаўленне веберонцаў да нас пагоршылася, з 9 да 4. Якраз праз смерць Піяніста. Я, канешне, разумею, што такая смерць стварае дурныя асацыяцыі, але прычым тут Лявон?

 No.71

File: 1613412477896-0.png (1,47 MB, 1920x1080, .png)

File: 1613412477896-1.png (1,77 MB, 1920x1080, .png)

І ў самы добры час спрацаваў мядзвежы трыгер, і грызлі, які ашываўся побач, усё ж вырашыў павячэраць Кундзелем. Лявон, абяссілены і згаладнелы, усё яшчэ атручаны, зрабіць нічога не можа. Сабака пратрымаўся тры ўдары і злёг. Хоць і быў дурны, але яго дужа шкада.

 No.72

File: 1613412712303-0.png (1,38 MB, 1920x1080, .png)

Застаўшыся без адзінага сябра, які толькі б і мог яму дапамагчы (але не ўмее), Лявон урэшце рэшт памірае з голаду і стомы…

…Вох. І прысніцца жа такое! Журавіны Лявон чапаць дакладна не будзе, а мядзведзь – наступны ў спісе тых, каму час згуляцца ў шахі са Смерцю.

 No.74

File: 1613413114471-0.png (1,27 MB, 1920x1080, .png)

На наша шчасце, на Лявона пачаў удзейнічаць нейкі псіхічны рухавік, які паляпшае яго настрой і нівелюе эфекты абяспіўлення. Карыстаючыся гэтым, хутка кідаем яго на фронт даследавання сакрэтаў броварства.

 No.75

File: 1613413359587-0.png (2,75 MB, 1920x1080, .png)

Побач зноў ашываюцца гандляры-веберонцы, гэтым разам добра узброеныя. Лявон глядзіць салодкія сны і надта ў размераным настроі, каб звяртаць на іх увагі. Сакрэты піўка становяцца ўсё бліжэй.

 No.76

File: 1613413763700-0.png (2,2 MB, 1920x1080, .png)

Дзень на градках прайшоў добра – высаджаны тры радкі хмелю. Зямліца тут урадлівая, так што ўраджай мо’ займеем праз дзён дзесяць, да канца лета. Заўтра трэба будзе высадзіць бульбачку.

 No.77

File: 1613413980140-0.png (2,22 MB, 1920x1080, .png)

З бульбай у Лявона было паболей досведу, і з ёю ён разабраўся хутчэй, чым з хмялём. Цяпер – зноў да раскрыцця сакрэтаў броварства. Нямаведама, на колькі зацягнецца гэты станоўчы псіхічны эфект, таму трэба спяшацца, а іначай зноў будзе …той сон можа быць прарочым.

 No.78

File: 1613414553628-0.png (1,18 MB, 1920x1080, .png)

І, пакуль Лявон зноў чакае дурных сноў, я пакуль падводжу фінал гэтай серыі – павячэраць трэба. Добра пастраляліся, бачылі, як крызісна можа разгарнуцца Лявонава самотніцтва, убачылі напрамкі развіцця. Дастаткова для сёння.

Можаце пакуль што адкаментаваць, пакінуць мо’ якіх рэквэстаў, як хочаце.

 No.79

>>78
Дзякуй за яшчэ адну сесію, Лявон!

 No.83

Заўтра ўвечары працягну. Буду, напэўна, весці не "жывыя" стрымы, як рабіў дагэтуль, а збіраць матэрыял на працягу ўсяго вечара і пасля рабіць серыю допісаў. А то так нешта такія даволі бяздзейныя допісы атрымліваюцца.

 No.84

File: 1615478882224-0.png (1,75 MB, 1923x1080, 85.png)

File: 1615478882224-1.png (263,72 KB, 1921x1078, 81.png)

File: 1615478882224-2.png (3,24 MB, 1921x1082, 71.png)

Не вытрымаў я strive to survive, карацей кажучы, і таму ўзяўся нанова, у новым свеце і з крыху заніжанай складанасцю. У астатнім усё гэтак жа сама: Лявон усё той жа, хіба толькі цяпер што можа на мінімальным узроўні гандлявацца з іншымі (але ўсё яшчэ хікан). Стартавы набор усё той жа, хіба толькі браў больш бутэлек піва. Месца падобнае, балоты. Паспеў крыху развіцца, зараз коратка перакажу, што здарылася.

 No.85

File: 1615479114128-0.png (2,61 MB, 1919x1078, 72.png)

File: 1615479114128-1.png (2,07 MB, 1921x1080, 73.png)

Пачаў я з таго, што застрэліў кугуара, які ашываўся побач – бо кугуары што тыя мядзведзі ў пытаннях харчавання: як раптам захочуць, то зжаруць і Лявона, і Кундзеля (дарэчы, забыўся сказаць, што ён усё тая ж лянівая няўмелая срака).

Потым да мяне прышкандыбаў нейкі гандляр з племені Нязо, але ў яго не было нічога цікавага.

А во ўжо потым…

 No.86

File: 1615479652536-0.png (2,26 MB, 1921x1080, 74.png)

File: 1615479652536-1.png (2,11 MB, 1923x1080, 75.png)

File: 1615479652536-2.png (1,61 MB, 1921x1080, 76.png)

File: 1615479652536-3.png (2,07 MB, 1925x1078, 77.png)

А потым была перастрэлка з Ізольдай Бут, сялянкай з самага варожага да нас каралеўства Туурмабіўм. Трэба будзе, дарэчы, здымачак планеткі зрабіць, калі наступным разам зайду.
Дык во Ізольда была ўзброеная завостранай палкай і неіранічна хацела затыкаць Лявона. І ў яе нават амаль атрымалася – у левай руцэ ля локця зрабіла дзірку, пашкодзіла костку пляча і вытнула па правай назе кулаком. Але Лявон добра страляў са свайго энэргетычнага шротніка. На дзіва, яна не памерла, а праз нейкі час нават узнялася і, час ад часу зноў падаючы, збегла куды падалей, пакуль Лявон спыняў крывацёк рукі. Праўда, думаю, што далёка яна не сыйшла – бо яе дзіркі ад шроту прарочылі ёй максімум сем гадзін жыцця. Хаця хто ведае, можа яна знайшла гаючыя зёлкі па дарозе і ўсё ж выжыла. Халера яе ведае. Адно праўда – як вернецца, дык ужо заб’ем дакладна.

 No.87

File: 1615479833370-0.png (1,98 MB, 1921x1078, 79.png)

File: 1615479833370-1.png (1,56 MB, 1921x1082, 78.png)

>пакуль Лявон спыняў крывацёк рукі
Дарэчы, пра гэта: рана запалілася, і Лявон раптам падпаў пад неілюзорную рызыку адляцець да пра-Лявонаў на піва. Часам даходзіла да такой балючай безнадзейнасці, што ён пачынаў маліцца. Але спойлер: ён усё ж, на шчасце, ачуняў, запаленне было пераадолена сіламі імунітэту.

 No.88

File: 1615480001089-0.png (1,75 MB, 1923x1082, 80.png)

File: 1615480001089-1.png (1,23 MB, 1917x1198, 83.png)

File: 1615480001089-2.png (1,71 MB, 1921x1082, 84.png)

А потым дробязі: з неба зваліўся яшчэ нейкі афэлак з варожай фракцыі, Лявон вырашыў яго нават не чапаць. За адсутнасцю алкагалічных скрыбаў на піва напаў ужо Кундзель і наглюгаўся да поўнай адключкі. А яшчэ Лявон нагандляваў плеценкі з саломы і з яе змайстрыў сабе брыля, якога можна было на ім бачыць напачатку гэтай серыі.

Ну і, як бачыце, у нас атрымалася забэцаць пакойчык, сховішча, электрычнасць ёсць – карацей, не бядуем. Буду цяпер далей трымаць вас у курсе развіцця спраў.

 No.92

>>88
Дзякуй, Лявон, што выйшаў на сувязь!



[Назад][На пачатак старонкі] [Catalog] [Post a Reply]
Выдаліць допіс [ ]
[ bc ] [ b / int ] [ pol / a / bo / dt / mu / t / vg / wp ] [ g ] [ апошнія паведамленні ]